Акчаны кантип кайтарса болот?

Толук эрежелер «Акчаны кайтаруу шарттары» документинде. Бул түшүндүрмөдөн айырмаланса, документтеги шарттар колдонулат.

Төлөнгөн жарыя модерациядан өтпөсө, жарыя чыга электе баш тартсаңыз, кызмат биздин күнөөбүздөн аткарылбаса же акча жаңылыш же эки жолу алынса, кайтаруу мүмкүн. Четке кагылган жарыяны оңдоп, кайра текшерүүгө жаңы төлөмсүз берүүнү да тандасаңыз болот.

Жарыя сайтка чыгып койсо, каналга пост же өнөктөш жайгаштыруу аткарылса, ошондой эле алдамчылык же одоно эреже бузуу үчүн өчүрүлсө, акча адатта кайтарылбайт.

Кайтаруу үчүн аккаунтуңуздан же катталган email аркылуу колдоого жазыңыз. Төлөмдүн датасын же номерин, суммасын жана себебин көрсөтүңүз. Уюм болсо аталышын жана ИННин кошуңуз. Жооп 3 жумуш күнүндө берилет. Кайтаруу жактырылса, акча арыздан кийин 10 жумуш күнүндө жөнөтүлөт; банк эсебине түшүшү 1–30 күнгө созулушу мүмкүн. Банк комиссиясы кармалбайт. Жумшалган упайлар кайтарылып, заказ үчүн берилген упайлар алынат. Упайларды акчага айландырууга болбойт.